ශ්‍රී ලංකා නිදහස් පක්ෂයේ මූලස්ථානය නැවත දැනුම් දෙනතුරු වසා දමන ලෙස ජනාධිපති මෛත්‍රීපාල සිරිසේන මහතා විසින් නියෝග කර තිබේ.
ජනාධිපතිවරයා මේ වනවිට සිය පවුලේ සාමාජිකයින් සමඟ තායිලන්තයේ පෞද්ගලික සංචාරයක නිරත වී සිටී. ජනාධිපතිවරයාගේ මෙම තීරණයට හේතුවී ඇත්තේ ශ්‍රීලනිපය තුළ මතුව ඇති අභ්‍යන්තර කැරැල්ලයි.
ශ්‍රී ලංකා නිදහස් පක්ෂය, ශ්‍රී ලංකා පොදුජන පෙරමුණ සමඟ සන්ධානගත කරවීමට ජනාධිපතිවරයා ගෙන ඇති තීරණයට ශ්‍රීලනිප ආසන සංවිධායකවරුන් දැඩි විරෝධය පළ කර ඇති අතර එය ජනාධිපතිවරයාගේ කෝපයට හේතුවී තිබේ. පසුගියදා පැවති ශ්‍රීලනිප ආසන සංවිධායක රැස්වීමේදී මෙම අර්බුදය උග්‍ර මට්ටමට පැමිණ ඇත.
මේ අතර ජනපති සිරිසේනගේ ජනපති අපේක්ෂක සිහිනය බොඳවීගොස් ඇති අතර, ඒ වෙනුවට ගෞරවනීය විශ්‍රාමගැනීමක් ඔහු බලාපොරොත්තු වනබව ආරංචිමාර්ග සඳහන් කරයි. එසේම ටෙලිකොම් ආයතනයට අරක්ගෙන එය වනසමින් සිටින ජනපති සිරිසේනගේ සහෝදර බහිරවයා පන්නා දැමීමටද මේ වබවිට ආයතනික කැරැල්ලක් මතුවෙමින් පවතී.
ජනපති සිරිසේනට මෙසේ පලදෙන්නේ එජාපයට, එජාප නායකත්වයට සහ සමස්ත එජාප පාක්ෂිකයාට සිදුකල අපහාසය බව ඔහු මේ මොහොතේ හෝ සිහිපත් කල යුතුව ඇත. අවසානයේ සිහිපත් කල යුතු කරුණක් ඇත එනම්, ජනපති තුමණි ඔබට ගෞරවනීය සමුගැනීමක් අවශ්‍යනම් කලයුත්තේ එජාප පාක්ෂිකයා ඉදිරියේ දනින් වැටී සමාව අයදීම පමණි. ජනපතිඳුනි නමුත් මහින්ද රාජපක්ෂ හා එක්ව කල කුමන්ත්‍රණයෙන් ඔබගේ දේශපාලනික චිතකයට ඔබම ගිණි දල්වාගෙන ඇති බව සහ ඔබට කිසිඳු විට ගෞරවනීය චරිතයක් බවට පත්වීමට නොහැකි බව සිහිපත් කරමින් මෙසේ නිහඬවෙමි.
No comments:
Post a Comment